Góðir hlustendur...tilkynning!

Nú fyrir stuttu hóf göngu sína Útvarpsstöðin Ólína.

Mér finnst undirtektir hafa verið með afbrigðum dræmar og kenni því um að fáir viti enn sem komið af þessari óháðu útvarpsstöð frekar en þeirri hugsanlegu orsök að fólki þyki efni stöðvarinnar lélegt.

Sú skýring þykir mér afar ólíkleg því ekkert er svo lélegt að því megi ekki venjast, ef maður leggur sig fram, samanber...og svo mætti lengi telja.

Dagskrá septembermánaðar verður sem hér segir: 

Flutningur útvarpssögunnar Læknaklám. Höfundur: Ólína Þorsteinsdóttur.

Tilfinningaþrungin örlagasaga um starfsfólk í heilbrigðisgeiranum. 

Lesari: Karl Stefánsson

 

Söguna er hægt að hlýða á í tónlistarspilaranum hér á vinstri hönd sem heitir hér ,,Útvarp Ólína"

Kaflarnir munu birtast eftir hentugleikum. Góðar stundir.

 

Athugasemdir

[Ragnhildur Sverrisdóttir, 12.9.2007 kl. 21:01]

Ég hélt að blessað læknaklámið gæti ekki batnað. En þessi upplestur! Hvílík dásemd! Mér finnst ég orðin 6 ára á ný, að hlusta á útvarpssöguna á gömlu Gufunni

[Jón Steinar Ragnarsson, 12.9.2007 kl. 23:17]

Hef drukkið í mig hvert orð fyrir löngu. Bíð í andnauð eftir meiru.

[Laufey Ólafsdóttir, 13.9.2007 kl. 00:42]

Kem aftur og hlusta þegar netið hjá mér er hætt að detta út á 5 mín fresti þvílíkt antiklæmax.

Hlakka til!

[Jón Steinar Ragnarsson, 13.9.2007 kl. 03:23]

Látlaust intróið og lokastefið gefur þessu eitthvað svo kúltiveraðan blæ... Þarna mætast menningarraumar Garðarshólma og Amaríkis í saumlausum sambræðingi.

[Jenný Anna Baldursdóttir, 13.9.2007 kl. 13:49]

Ég ætti að fá hlustendaverðlaun.  Hangi hér stöðugt hlustandi

[Bergur Thorberg, 13.9.2007 kl. 14:55]

Til hamingju með nýju stöðina. Ég bíð spenntur Steinunn mín. 

[Fanný Guðbjörg Jónsdóttir, 13.9.2007 kl. 15:20]

Ég hef ekki komið einu einasta í verk síðustu 2 tímana. Hef setið hér spennt fyrir framan tölvuna, verið mál að míga síðasta einn og hálfann, þurr í hálsinum með sperrtar varir, stífann kjálfa  og beðið til guðs að Franklín sé heill á húfi...   Var að uppgvötva þetta blogg og ég verð að segja að þetta er bara með bestu spennusögum sem ég hef lesið í góðann tíma.

Hafið það gott í Ameríku.

[sigurbjörg Sigurðardóttir (IP-tala skráð) 14.9.2007 kl. 10:58]

Til hamingju. Þetta er alveg dásamlegt mér líður eins og ég væri 7 ára,þegar við vorum límd við útvarpið.

[Katrín Snæhólm Baldursdóttir, 15.9.2007 kl. 01:25]

Þetta er bara alveg eins og Andri Snær segir....það fer hugmynd á flug og lendir í kolli nokkurra á sama tíma...en bara örfáir sem hrinda í framkvæmd. Útvarpsstöðin mín fer líka alveg að fara í loftið.......en það verður ekkert æsispennandi læknaklám eins og hjá þér og svo hef ég engan glæpon ti að lesa fyrir mig!!!!!