Ömurlegur áfangastaður í boði einokunarflugfélagsins...á uppsprengdu verði.

það kom að því að íslendingar hættu að láta bjóða sér áfangastaði eins og Minneapolis.

Hvað þangað á að sækja er mér óskiljanlegt! En það er örugglega ódýrt að lenda þar því enginn vill vera þar.

Og nógu gott handa íslensku þjóðinni sem hefur bara gaman af því að hanga í Mall of America eða hvað? 

 

Flugi til Minneapolis aflýst

Athugasemdir

[Erna (IP-tala skráð) 10.9.2007 kl. 08:05]

Það vantaði ekki farþega í þessa vél, heldur flugmenn!!! 

[maggifinn (IP-tala skráð) 10.9.2007 kl. 08:25]

voru ekki vandræði með að fá áhöfn? Íslendingar fljúga hvert sem er á hvaða prís sem er. landinn er orðinn heilaþveginn af múskóvæðingunni, og skreppur til útlanda algjörlega erindalaust ef hann bara fær fríann morgunmat eða nokkrar prósentur í afslátt.. sjáðu íslendinginn í hnotskurn á www.musko.is

[Halldór Egill Guðnason, 10.9.2007 kl. 08:37]

Segðu Örugglega ekki margir sem sakna þessa eymdarstaðar.......eða hvað? Landinn er klikk.

[Sigurjón Sigurðsson, 10.9.2007 kl. 09:27]

www.musko.is Takk fyrir ábendinguna algjör snilld.

Ég gæti skrifað ritgerð um Byko í dag og jú um Nóatún líka en ég ætla bara að leyfa Jóni Helga að fatta þetta ,,the hard way" s.s. úpps, engir kúnnar.

[Steinunn Ólína Þorsteinsdóttir, 10.9.2007 kl. 14:46]

Ég veit að það vantaði flugmenn en þetta var bara svo tilvalið tækifæri til að tala um Minneapolis...hafið þið lent þar!...Maður gæti rétt eins gengið þangað!

[Sólveig Kristín Sigurðardóttir (IP-tala skráð) 10.9.2007 kl. 15:29]

Ég hef nú aldrei stoppað í Minneapolis en nota yfirleitt þann flugvöll til að komast yfir á Vesturströndina og hann hefur verið afskaplega hentugur til millilendinga. Ef eitt það frægasta sem einhver borg hefur upp á að bjóða er stærsta mall í heimi, þá held ég muni bara sleppa skoðunarferðum þar um :)

Aftur á móti mætti alveg skipta á Minneapolis og áfangastað á Vesturströndinni, það var gargandi snilld að geta flogið til San Fransisco hér "denn" :).  

[Ragnhildur Sverrisdóttir, 10.9.2007 kl. 20:51]

Kom þarna nokkrum sinnum þegar ég bjó í Kaliforníu. Einu sinni var nokkra klukkustunda töf á fluginu frá Minneapolis til San Francisco. Við fórum í risamollið, sem heitir að ég held hvorki meira né minna en MALL OF  AMERICA! Það var ekki gott, ekki gott. Þarna eru heilu kapellurnar, þar sem fólk giftir sig og lítil heilsugæslustöð ef eitthvað fer úrskeiðis hjá verslunarglöðu fólki. Ég reikna fastlega með að þarna sé líka útfararþjónusta. Þarna gæti ég hæglega hrokkið upp af.

[Gunnar (IP-tala skráð) 10.9.2007 kl. 22:27]

Ég hef nokkrum sinnum flogið þangað, en ætið á leið eitthvert annað (Chicago, Seattle og Omaha).

Mér finnst þessi flugvöllur hentugur þar sem maður nær ekki alltaf tilsettu tengi flugi þegar maður kemur seinnipartinn inn til Bandaríkjanna og því hentugt að vera þar þar sem mörg hótel eru nálgt vellinum.  Einnig er völlurinn þokkalega miðsvæðis ólíkt Boston, New York og Baltimore.

[Katrín M.Ólafsdóttir (IP-tala skráð) 11.9.2007 kl. 14:09]

Ekki sammála þessu með Minneapolis. Við hjónin eigum góðar minningar þaðan, bæði fallegt umhverfi og af nógu að taka í menningu. T.d. glæsilegt myndlistarsafn og garður WALKER ART CENTER. Sáum mjög góða leiksýningu DAMN YANKEES í Chanhassen Dinner Theaters.