Dularfulla Hótelherbergið!

  Við gistum á sveitahóteli s.l. laugardagsnótt. Við komum á hótelið rétt eftir miðnætti og á móti okkur tók heldur svona utan við sig næturvakt. Hún bauð okkur velkomin og rétti okkur lykilinn að herberginu okkar. Herbergi 340. Þegar þangað var komið blasti við okkur heldur sérkennileg sjón. 

Á gólfinu lágu rósablöð og leiddu í einhverskonar sveig að rúminu sem var skreytt með blómahjarta á miðri sæng úr lifandi afskornum blómaknúppum.

 

 

 

 

 

 

Við ákváðum að það væri tilvalið kodakmóment.

 

 

 

 

 

 

 

Ég er nú svo órómantísk eitthvað að mér fannst þetta nú heldur óþrifalegt og safnaði saman blómaskrautinu og setti í ruslafötuna.

Þá rak ég augun í brúðarslör sem hafði verið lagt yfir sófann og þá fóru að renna á mig tvær grímur.

 

 

 

 

 

 

Ég ákvað samt að prófa slörið og ræddi við bóndann að þetta væri nú með allra sérkennilegustu hótelum sem við hefðum gist á. Rómantíska Þemað var nú svona alveg á mörkunum fannst okkur.
Það tók síðan steininn úr þegar við rákum augun í miða á náttborðinu sem stóð á Congratulations!

 

 

Ég fór því niður í lobby og utangátta afgreiðslustúlkan spurði hvort ekki væri allt í lagi og ég sagði henni að það væri ekki yfir neinu að kvarta en okkur hefði fundist skreytingarnar svona heldur óvenjulegar en hefðum svo sem ekkert við það að athuga. Lobbykonan fraus og sagði síðan stundarhátt: ,,Room 340? Jesus, do you mind if I move you guys” Ég sagði henni að það væri allt í lagi en þurfti að viðurkenna að ég hefði safnað blómunum saman og hent í ruslið. Þá sagði örvæntingarfulla lobbykonan:
,,No, you did not!. Oh my god! Do you think I can arrange them again?

Athugasemdir

[Rósmundur rakari (IP-tala skráð) 23.7.2007 kl. 20:26]

Það er skítalykt af þessu máli. Ég hefði heimtað endurgreiðslu og háar skaðabætur vegna andlegra hremminga, sem gætu leitt til hjónaskilnaðar og viðvarandi sálarkreppu.

[Eva Þorsteinsdóttir, 23.7.2007 kl. 20:26]

Hehehehehehe....... ég er að pissa á mig!!!!!!!!

Þú náðir þó nokkrum góðum kodak momentum út úr þessari Honeymoon martröð..... ég hefði gert það sama við blómaruslið!

[Jenný Anna Baldursdóttir, 23.7.2007 kl. 20:34]

Júlíubarnið er a.m.k. krútt.  Sumir hefðu nú notað tækifærið og tekið brúðkaupsæfingu, að því gefnu að þeir væru ekki þegar gifir.  Þú ert atvinnumannsleg með slörið, svei mér þá!

[Maja Solla (IP-tala skráð) 23.7.2007 kl. 21:53]

Híhí, ég hefði bara slegið þessu uppí kæruleysi og pantað kampavín..

[Garún, 24.7.2007 kl. 13:06]

Hugsaðu þér ef brúðarhjónin hefðu komið og haldið að þau hefðu fengið Íslensk hjón og barn í brúðkaupsgjöf.  Svona aupair family.   En gaman.

[Marta B Helgadóttir, 6.8.2007 kl. 12:51]

Þú ert gullfalleg með slörið, ég hefði líka hent þessu blómarusli.