Hollywood Bowl og Keflavík mætti!

Vinur okkar og Maestro Veigar Margeirsson bauð okkur í Hollywood Bowl í kvöld.

Cool Britannia! var yfirskrift tónleikanna.

Tónskáldið/ Stjórnandinn/Útsetjarinn/Músíkkantinn Veigar er lítillætið uppmálað og lét sér fátt um finnast að mér fyndist stórmerkilegt að LA Philharmonic væri að spila útsetningar eftir hann. Enda hefur hann oft gert útsetningar fyrir sveitina áður án þess að hafa hátt um það í íslenskum fjölmiðlum.

En tónleikarnir byrjuðu á Bond syrpu...Goldfinger...Diamonds are forever....o.s.frv.

Stjórnandinn Bramwell Tovey var ferlega skemmtilegur og fyndinn,enda Breti, eiginlega skemmtilegri en prógrammið fyrir hlé...spes. Hann þakkaði Ameríkönum meðal annars fyrir að hafa tekið þau David og Viktoríu Beckham að sér, enda breska þjóðin dauðfegin að vera laus við þau skötuhjú að því er virðist. Síðan var syrpa tileinkuð Noel Coward sem var nú svona og svona...kannski ekki alveg minn tebolli.

Eftir hlé byrjuðu tónleikarnir fyrir alvöru og séníið Jamie Cullum kom á svið. Hann er pínu lítill ca. 1.50. Margur er knár þó hann sé smár. Hann alveg hreint ævintýralega sjarmerandi og skemmtilegur listamaður .

Hann spilaði útsetningar eftir Veigar og einhverja fleiri sem ég nenni ekki að muna hvað heita. Enda útsetningar Veigars flottastar... sérstaklega á lagi Cullums  "All at Sea" Alveg sérlega fágað og fallegt.

imagesJamie er flottur píanisti, eiginlega alveg frábær og ég var að reyna að fatta alla tónleikana á hvað tónlistin hans minnir mig á ...smá Billy Joel...smá Elton John ...smá Pat Metheny ...smá Elvis Costello...fullt af jasstöktum og svo bara alveg fullt af orginal bragði.

 Án þess að ég sé nokkuð að halla á hlut Veigars var hápunktur tónleikanna flutningur (söngur/ píanó) Jamie Cullum á Cole Porter laginu  "Ive got you under my skin" sem Sinatra gerði frægt....Töfrandi! Og þessi gamla ,,lumma" varð eins og ný í meðförum hans. Vel  gert.

Þegar við gengum út var skilti sem tiltók áhorfendafjölda þetta kvöldið í Hollywood Bowl....8772.....

Veigar hafði á orði: Keflavík Mætti!....ekki fjarri lagi ...þó að undirrituð sé nú ekki með höfðatölu í Keflavík svona á hraðbergi....

p.s

Veigar er Keflvíkingur.

nesti kvöldsins:

Sutter Home Pinot Noir, Sutter Home Gewurztraminer, og Fat Tire bjór.

Pitabrauð fyllt með heimagerðu Hummus, grilluðum paprikkum,rucula, rauðlauk og svörtum ólífum

Snittubrauð með sýrðum/grófu sinnepi/sólþurrkuðum tómötum og avacado/bacon/tómötum.

Íslenskt Síríus súkkulaði...Jarðaber og bláber!

Athugasemdir

[Jenný Anna Baldursdóttir, 21.7.2007 kl. 10:47]

Takk fyrir að deila upplifuninni.   Rosalega verð ég alltaf svöng þegar þú byrjar að "matlýsa".  ARG

[Elín Katrín Rúnarsdóttir. , 21.7.2007 kl. 16:11]

Sendi þér bros og hlátur inn í daginn, eigðu góðan dag.

[Heiða Þórðar, 22.7.2007 kl. 00:22]

jebb, sama vandamál hérna... ég verð svöng.

[Steinunn Helga Sigurðardóttir, 22.7.2007 kl. 13:53]

þetta hefur verið upplifun !

sisius súkkulaði nammi

Alheimsljós til þín frá mér

steina

[Einar Bragi Bragason., 22.7.2007 kl. 21:23]

Skilaðu kveðju til Veigars frá mér.....hann er snillingur

[Garún, 22.7.2007 kl. 21:53]

Áttu uppskrift af einhverjum heilsudrykk sem ég get komið Eddu Bjö á óvart með, er á leiðinni á Bifröst til hennar og vil koma henni á óvart.  Eina sem mig dettur í hug er grasrótarsafi en það er svo fyrirsjáanlegt...

[Steinunn Ólína Þorsteinsdóttir, 23.7.2007 kl. 06:22]

Kauptu handa henni ekta lakkriste....hja natturuleysingjunum

e-a buðu til shake handa henni ur frosnum berjum t.d bla/ jarðarberjum/bromberjum og hreinni jogurt . það ætti að hressa hana við þo eg hugsi að það se nu sist þorf a þvi!