Afi Amarettó!

Hér kemur uppskrift af eftirrétt þar sem aðalatriðið er hinn dísæti líkjör Amarettó. Mér finnst líkjörinn reyndar ódrekkandi en hann er frábær til að flikka upp á annars hversdagslegan vanilluís. Eftirrétturinn fékk nafnið ,,Afi Amarettó" eftir að tengdapabbi reyndi að slökkva þorstann í brennandi hita á miðri hraðbraut og teygði sig eftir vatnsflösku í skottinu sem reyndist innihalda líkjörsskrattann.  En tengdapabba finnst eftirrétturinn góður svo nafnið er kannski bara viðeigandi.

 AFI AMARETTÓ 

2 lítrar vanilluís

1 bolli Amarettó

2 mtsk kanill

1 mtsk nutmeg/múskat

1 mtsk mace/ held það sé brúnkökukrydd á íslensku.

Öllu þeytt saman og fryst á nýjan leik. Reyndar gegnfrís ekki ísinn vegna áfengisins en þetta er tilbúið eftir ca. 4 tíma í frysti.

 

Gott að bera fram með flamberuðum banönum. 

p.s

ef ég hef ekki tíma til að hræra og frysta má ná svipuðum árangri með því að flambera banana í smjöri og Amarettó. Skella ís í skál og krydda ríkulega með ofangreindum kryddum. Næstum eins gott! 

 

 

Athugasemdir

[Jóna Á. Gísladóttir, 24.6.2007 kl. 18:14]

Amaretto! Þurfti ekki meira. Copy og paste in í word skjal. Takk fyrir mig. Verður prófað við fyrsta tækifæri.

[María Kristjánsdóttir, 24.6.2007 kl. 19:59]

Þótti amaretto einu sinni góður- þá fékkst hann ekki á íslandi - svo maður bragðaði hann ekki oft- kemst kannski aftur upp á bragðið svona.

[Eva Þorsteinsdóttir, 24.6.2007 kl. 21:35]

Mikið ógeðslega hlýtur það að hafa verið nastý að vera að drepast úr þorsta og gúlpað í sig líkjör í stað vatns....uugh

Vona að kallanginn hafi svo fengið vatnið sitt!

[Ása Hildur Guðjónsdóttir, 26.6.2007 kl. 23:18]

Namm namm takk fyrir uppskriftina