landssöfnun fyrir nýjum hártoppi.

Litla manneskjan var bólusett í morgun. Hún tók því afar illa sem vonlegt er og það snögg fauk í mig.

Læknirinn hennar er með afar lélegan hártopp og langaði mig í augnablik að feykja honum af kolli hans en sá nú sem betur fer að mér og hugsaði að nær væri að fara fram á landssöfnum honum til handa svo að hann geti fjárfest í nýjum toppi.

En kannski er þetta ættargripur. Hver veit.

Sit á sundlaugarbakkanum og skemmti mér við það að fylgjast með tengdamömmu sem berst við svefninn. Hún er nefnilega að lesa nýjan íslenskan krimma sem hún tók með sér í sumarfríið og má bara ekki líta í hann þá sofnar hún. Hún ætlar að skilja hann eftir handa mér ef hún kemst einhvern tímann í gegnum hann.  En með þessu áframhaldi er lítil von til þess.

 

 

 

Athugasemdir

[Eva Þorsteinsdóttir, 13.6.2007 kl. 22:51]

Mér er spurn?  Hvaða íslenski krimmi er þetta sem er svona leiðinlegur..........

Gæti kannski hjálpað mér við að festa svefn

[Jónína Benediktsdóttir (IP-tala skráð) 13.6.2007 kl. 23:00]

Sakna þín fallegust!

[Vilborg Valgarðsdóttir, 13.6.2007 kl. 23:26]

Stundum vantar mig sögur sem svæfa, hvaða bók er þetta? Þú veist að það fer ekki lengra ...

[Kjartan Valdemarsson, 13.6.2007 kl. 23:49]

Swim with complete confidence.

6 inch Hair Thickeners-- Human Hair

100% HUMAN HAIR 6" long on a toupee clip. You may trim for a custom fit. Fills in where your hair is thin, or adds some length while waiting for portions of your hair to grow--or use just for a different look.

[Steinunn Ólína Þorsteinsdóttir, 14.6.2007 kl. 00:30]

Ég mun ekki upplýsa hvaða krimmi þetta er. En fólk má geta!

Eva mín, þegar ég get ekki sofið læt ég Stefán útskýra fyrir mér veðurfræði. Það klikkar ekki...ég get kannski beðið hann að lesa sottla veðurfræði inn á teip fyrir þig. 

[Eva Þorsteinsdóttir, 14.6.2007 kl. 03:51]

Væri kannski möguleiki að brenna á geisladisk....... er orðin svo nýmóðins og á ekki kasettutæki :)

[Vilborg Valgarðsdóttir, 14.6.2007 kl. 09:50]

Þá giska ég á Konungsbók Arnaldar. Mér fannst hún ömurlega leiðinleg. Og hananú!

[Felix (IP-tala skráð) 14.6.2007 kl. 13:27]

hæ elsku steina

 gaman að sjá að þú ert farin að blogga.  og fröken júlía er glæsileg!  sendi stóran koss yfir hafið og hlakka til að fylgjast með ævintýrum þínum..

xxf

[Ragga (IP-tala skráð) 14.6.2007 kl. 17:13]

Einhvernvegin datt mér Arnaldur líka í hug... hefði eiginlega þurft á honum að halda síðustu nótt.

[Hildigunnur Rúnarsdóttir, 15.6.2007 kl. 10:11]

Ég skellti alltaf staðdeyfiplástri á krakkana fyrir bólusetningar, bara spyrja fyrirfram hvar verði stungið og setja plásturinn á klukkutíma fyrr.  Skotil, engar skælur