Litli sósíalistinn!

Ungabarnið á heimilinu gengur undir nafninu sósíalistinn.
Ekki vegna pólitísks innrætis hennar (Hún hefur aldrei heyrt minnst á Marx) en nafngiftin kemur til af því hversu félagslynd hún er.
Hún er sumsé ákaflega sósíal og vill helst láta skemmta sér þær stundir sem hún heldur sér vakandi.

það eru ekki margir í dag sem kalla sig sósíalista, nú heita menn jafnaðarmenn ekki satt?
Muniði þegar fólk þorði að kalla sig sósíalista?

Í útlöndum kallast fólk socialite sem eyðir mestum tíma í að skemmta sér og skemmta öðrum.

Ég legg til að orðið sósíalisti verði héðan í frá notað um skemmtanasjúkar félagsverur.

Athugasemdir

[María Kristjánsdóttir, 26.5.2007 kl. 01:36]

líst vel það, leiðinlegt ef þetta fallega nafn hyrfi alveg. Bið að heilsa litla sósíalistanum.

[María Kristjánsdóttir, 27.5.2007 kl. 19:26]

Hvað er að frétta af Franklin?

[Steinunn Ólína Þorsteinsdóttir, 27.5.2007 kl. 21:32]

Franklin er því miður ekki kominn til LA og við höfum ekkert heyrt síðan á mánudag.

Hryllingur.

[Vilborg Valgarðsdóttir, 29.5.2007 kl. 22:33]

Sæl Steinunn, gaman að rekast á þig hér á moggablogginu. Ég óska ykkur hjónum innilega til hamingju með litlu dótturina og vona að öllum heilsist vel. Ætla að lesa söguna þína við tækifæri. Sem minnir mig á bókina þína, innilega til hamingju með hana. Virkilega flott verk.